Debian en CD
Aviso! Esta tradución está moi desfasada, consulte o orixinal.
Se quere obter Debian en CD, consulte embaixo polas opcións dispoñíbeis. En caso de ter problemas consulte o FAQ sobre os CDs de Debian.
Se simplemente quere instalar Debian e ten conexión a internet no computador onde o vai instalar, considere os medos para a instalación por rede que é unha descarga máis pequena.
- Mercar CD-ROMs de Debian. Son baratos: Non lles sacamos ningún beneficio! Se a súa conexión a internet a paga por tempo, esta é a única opción. Tamén pode considerar mercar os CDs se só ten un módem, xa que descargar as imaxes levaría días.
- Descargar imaxes CD/DVD con jigdo. O esquema «jigdo» permítelle escoller para a descarga a réplica máis rápida de entre as 300 que Debian ten en todo o mundo. Inclúe unha doada escolla da réplica e «actualización» de imaxes vellas á última versión. Ademais, é a única forma de baixar as imaxes DVD de Debian para todas as arquitecturas.
- Descargar imaxes CD/DVD con BitTorrent. O sistema punto a punto Bittorrent permítelle que moitos usuarios descarguen as imaxes ao mesmo tempo de forma cooperativa, con unha carga mínima nos nosos servidores. As imaxes de DVD só están dispoñíbeis para algunhas arquitecturas.
- Descargar imaxes CD/DVD usando HTTP ou FTP. A causa de limitacións de espazo e ancho de banda, moi poucas réplicas poden ofrecer ligazóns de descarga directa por HTTP ou FTP. Estes sitios pode que usen limitación de ancho de banda, as descargas poden ser bastante lentas. Pedímoslle que use jigdo ou bittorrent no seu lugar. As imaxes de DVD só están dispoñíbeis para algunhas arquitecturas e non en todas as réplicas.
- Descargar imaxes «live» usando HTTP, FTP ou BitTorrent. Como nova alternativa ás imaxes normais, tamén existen imaxes «live» que pode usar para probar Debian primeiro, e despois instalar o contido da imaxe.
Os CDs das publicacións oficiais están asinadas para que poida verificar que son auténticas.
Debian está dispoñíbel para diferentes arquitecturas de computadores. Asegúrese de estar obtendo as imaxes que encaixen co seu computador! (A maioría da xente precisará as imaxes para «i386», p. ex. os sistemas Intel.) Unha vez que teña creados os seus propios CDs, pode que estea interesado no material gráfico para as portadas dos CDs de Debian.
(As capturas da distribución «testing» créanse semanalmente..)
Pode atopar información sobre os problemas coñecidos ca instalación na páxina de
información da instalación.
Para as publicacións máis antigas, algúns problemas
específicos da instalación desde imaxes de CD publicáronse en unha
páxina da publicación en CDs separada.